Biological Reactions to Experimental Dental Amalgams

Publisher Website
Google Scholar
Abstract
SYNOPSIS IN INTERLINGUA REACTIONES BIOLOGIC A DENTAL AMALGAMAS EXPERIMENTAL.—Esseva testate le reactiones de tissu conjunctive de rattos a novemente disveloppate alligatos, fortificate per dispersion, de cupro e argento, tanto sol como etiam in combination con fluoruro, con le objectivo de evalutar lor innocentia in uso clinic como materiales restaurative in amalgamas dental. Varie concentrationes de fluoruro de calcium esseva addite al amalgamas de alligato e mercurio in le fabrication experimental de materiales restaurative con potentia inhibitori anti carie, e iste combinationes esseva inserite in le subcutanee tissus conjunctive de rattos durante periodos de usque a 32 dies. Le examine histologic de iste tissus revelava que le amalgamas a alligato de cupro e argento esseva non minus innocente que le currentemente usate amalgamas a alligato de argento e stanno. Le addition de 1 pro cento (per peso) de fluoruro de calcium a amalgamas a alligato de argento e stanno causava prolongate irritation in le tissus. Le addition de 0,5 pro cento o minus (per peso) de fluoruro de calcium a amalgamas a alligato de cupro e argento causava nulle inusual responsa inflammatori, e esseva considerate como salve in le uso clinic como material de restauration dental. Le minime procentage (per peso) de fluoruro de calcium capace a producer le maxime effecto inhibitori anti carie va esser determinate a base del resultatos de prolongate essayos clinic.

This publication has 6 references indexed in Scilit: