The Effect of Sodium Fluoride on the Rate of Acid Production of Surface Aggregates of Streptococci and Lactobacilli

Publisher Website
Google Scholar
Abstract
SYNOPSIS IN INTERLINGUA LE EFFECTO DE FLUORURO DE NATRIUM SUPER LE RAPIDITATE DEL PRODUCTION DE ACIDO IN AGGREGATOS SUPERFICIAL DE STREPTOCOCCOS E LACTOBACILLOS.—Le modification del pH in le curso del tempore esseva registrate quando aggregatos superficial del duo mentionate organismos fermentava solutiones de glucosa con un contento de fluor in varie concentrationes. Le presentia de fluoruro reduceva marcatemente le production de acido, e calculationes pareva indicar que isto esseva le effecto de non-dissociate acido fluorhydric. Le concentrationes de fluor que inhibiva le crescentia a differente nivellos de pH esseva determinate, e le concentrationes de non-dissociate acido fluorhydric esseva calculate. Le concentrationes inhibitori de fluor declinava quando le aciditate cresceva, sed le concentrationes de non-dissociate acido fluorhydric cresceva usque a un maximo attingite a un pH de 5,6 ad 5,4 e postea declinava de novo.